"Уотфорд" клуби "Лестер Сити" футболчиси Дэниел Амарти трансферига қизиқиш билдирмоқда. Хабарларга кўра, Клаудио Раньери собиқ шогирдини ўз жамоасига олиб келмоқчи.
Раньери "Лестер"нинг шонли пайтида Амарти билан ишлаган ва футболчининг нималарга қодирлигини билади. Бир пайтлар у Амартини "фавқулотда ажойиб футболчи" деб таърифлаган эди.
26 ёшли ярим ҳимоячи "Лестер"да заҳирага михланиб қолган. У бошқа жамоага ўтишга қарши бўлмайди. Амартининг амалдаги шартномаси ҳам келаси ёзда якунланади. Эслатиб ўтамиз, Раньери бошчилигидаги "Уотфорд" АПЛда 17 ўриндан жой олган.
