Собиқ "Ньюкасл" футболчиси Робинсон Ли жамоанинг ҳозирги ҳолати ҳақида гапирди. У шундай дейди:

"Клуб жамоага кучайтирувчи футболчилар олиб келмас экан, жамоанинг Чемпионшипга тушиб кетиши тайин. Жамоанинг ҳозирги футболчилари Эдди Хау келганидан кейин яхши ўсишга эришди. Аммо барибир, янги ўйинчилар олиб келинмас экан, жамоани АПЛда олиб қолиш жуда қийин бўлади. Ўзи "Ньюкасл"нинг ҳозирги эгаллаб турган ўрни ҳам таркиб билан чамбарчас боғланган.

Мен якшанба кунги ўйинда стадионда эдим. Каллум Уилсон гол урди, аммо бизда бошқа жуда қулай деб ҳисобланадиган имкон бўлмади. Агар Уилсон ҳам жароҳат олса, жамоани ҳолига маймунлар йиғлаши аниқ. Чунки ундан бошқа гол урадиган бирор бир футболчи топилмайотир".

Эслатиб ўтамиз, бир ойдан узоқ вақт давомида 20 ўринни эгаллаб турган "қарғалар", "Бёрнли"га қарши баҳсда ғалаба қозониб, 19 ўринга кўтарилиб олишди.