УЕФА Чемпионлар лигаси “H” гуруҳи 6-тур  учрашувлари доирасидаги “Зенит” – “Челси” баҳси якунланди. 

Қизиқарли кечган учрашувда 3:3 ҳисобидаги дуранг қайд этилди. Ўйинда тезкор гол киритилди. 2-дақиқада бурчакдан оширилган тўпни меҳмонлар ҳужумчиси Тимо Вернер россияликлар дарвозасига киритди – 0:1.

38-дақиқада чап қанотдан узатилган тўпни Клаудиньо боши билан Лондон клуби дарвозасига киритди – 1:1.

Орадан бироз вақт ўтиб, петрбургликлар ҳисобда олдинга чиқиб олди. “Зенит” ҳужумчиси Сердан Азмун бирга-бир вазиятдан Аррисабалага дарвозасига киритди – 2:1.

Иккинчи тайм тенг бироз “Челси” устунлиги остида бошланди ва бу амалда ҳисобда ҳам қайд этилди. Россия клуби ҳимоясидаги пала-партишликлардан унумли фойдаланган Лукаку мувозанатни тиклади – 2:2.

Ўйин тугашига бир неча дақиқалар қолганда Вернер ўзининг иккинчи, жамоасининг 3-голини киритди. Яна Лондон клуби “Зенит” ҳимоясининг хатосидан фойдаланиб кетди – 2:3

Ўйин охирида Ерохин “Зенит”нинг ҳисобни тенглаширувчи голига муаллифилик қилди

Учрашувнинг қолган дақиқалари ҳам курашларга бой ўтди, аммо дарвозаларга бошқа гол киритилмади.

“Зенит” – “Челси” – 3:3

Голлар: 0:1 – 2 Вернер, 1:1 – 38 Клаудиньо, 2:1 – 41 Азмун, 2:2 – 62 Лукаку, 2:3 – 85 Вернер, 3:3 - 90+5 Ерохин .

“Зенит” – Кержаков, Караваев, Ловрен, Ракицкий (Круговой, 66), Дуглас Сантос, Кузяев (Оздоев, 79), Барриос, Вендел (Мостовой, 51), Малком (Ерохин, 79), Азмун (Дзюба, 79), Клаудиньо.

“Челси” – Аррисабалага, Аспиликуэта, Кристенсен, Сарр, Джеймс, Сауль (Алонсо, 75), Баркли (Зиеш, 65), Маунт, Хадсон-Одои (Пулишич, 65), Лукаку (Хавертц, 75), Вернер.

Огоҳлантиришлар: Хадсон-Одои (37), Ловрен (60).