UYEFA Chempionlar ligasi “H” guruhi 6-tur uchrashuvlari doirasidagi “Zenit” – “Chelsi” bahsi yakunlandi.
Qiziqarli kechgan uchrashuvda 3:3 hisobidagi durang qayd etildi. O‘yinda tezkor gol kiritildi. 2-daqiqada burchakdan oshirilgan to‘pni mehmonlar hujumchisi Timo Verner rossiyaliklar darvozasiga kiritdi – 0:1.
38-daqiqada chap qanotdan uzatilgan to‘pni Klaudinyo boshi bilan London klubi darvozasiga kiritdi – 1:1.
Oradan biroz vaqt o‘tib, petrburgliklar hisobda oldinga chiqib oldi. “Zenit” hujumchisi Serdan Azmun birga-bir vaziyatdan Arrisabalaga darvozasiga kiritdi – 2:1.
Ikkinchi taym teng biroz “Chelsi” ustunligi ostida boshlandi va bu amalda hisobda ham qayd etildi. Rossiya klubi himoyasidagi pala-partishliklardan unumli foydalangan Lukaku muvozanatni tikladi – 2:2.
O‘yin tugashiga bir necha daqiqalar qolganda Verner o‘zining ikkinchi, jamoasining 3-golini kiritdi. Yana London klubi “Zenit” himoyasining xatosidan foydalanib ketdi – 2:3
O‘yin oxirida Yeroxin “Zenit”ning hisobni tenglashiruvchi goliga muallifilik qildi
Uchrashuvning qolgan daqiqalari ham kurashlarga boy o‘tdi, ammo darvozalarga boshqa gol kiritilmadi.
“Zenit” – “Chelsi” – 3:3
Gollar: 0:1 – 2 Verner, 1:1 – 38 Klaudinyo, 2:1 – 41 Azmun, 2:2 – 62 Lukaku, 2:3 – 85 Verner, 3:3 - 90+5 Yeroxin .
“Zenit” – Kerjakov, Karavayev, Lovren, Rakiskiy (Krugovoy, 66), Duglas Santos, Kuzyayev (Ozdoyev, 79), Barrios, Vendel (Mostovoy, 51), Malkom (Eroxin, 79), Azmun (Dzyuba, 79), Klaudinyo.
“Chelsi” – Arrisabalaga, Aspilikueta, Kristensen, Sarr, Djeyms, Saul (Alonso, 75), Barkli (Ziyesh, 65), Maunt, Xadson-Odoi (Pulishich, 65), Lukaku (Xaverts, 75), Verner.
Ogohlantirishlar: Xadson-Odoi (37), Lovren (60).
