Чемпионлар лигасининг 6-тури доирасида «Зенит» «Челси» билан дуранг ўйнади (3:3).
Инглиз клуби кетма-кет иккинчи ўйиндирки, учта гол ўтказиб юбормоқда. 4 декабрь куни лондонликлар Премьер-лигада «Вест Хэм»га (2:3) мағлуб бўлишган эди.
Ушбу ҳолат мураббий Томас Тухель билан 2019 йилдан бери биринчи марта содир бўлди. Унинг жамоаси кетма-кет иккита ўйинда камида учта гол ўтказиб юборган пайтда у «ПСЖ» бош мураббийи эди.
2019 йилнинг апрель ойида парижликлар аввалига «Лилл»га (1:5), кейин эса «Нант»га (2:3) мағлуб бўлишган эди.
