"Реал" бош мураббийи Жозе Моуриньо Чемпионлар лигаси 1/8 финалида ЦСКА га қарши бўлиб ўтадиган жавоб учрашуви ҳақида сўз юритди.
"- Футболда сюрпризлар учраб туради. Бу ўйинда ҳар қайси жамоа ютиши мумкин. Биз эҳтиёт бўлишимиз лозим. Рус жамоалари собиқ совет жамоалари сингари яхши жисмоний тайёргарликка эга. Улар яхши ҳимояланадилар ва ақл билан ҳужумга ўтадилар. Бу фикримни футболчиларга ҳам етказиб қўйишим керак.
- Россияда ҳам ЦСКАнинг ғалабасини мўъжиза деб атамоқдалар. Мағлубиятга учрасангиз истеъфо берасизми?
- Футболда мўъжиза бўлмайди. Кутилмаган ҳолатлар бўлади. Агар ЦСКА яхши ўйнасаю, "Реал" ёмон ўйнаса - бу кутилмаган ҳолат бўлади. Лекин мен бу нарсаларга оптимистик руҳда қарайман. Биз ҳеч кимдан қўрқмаймиз, жамоа ўйинга тайёр. Истеъфога келсак... Менинг тақдирим бу ўйинга боғлиқ эмас", дея унинг фикрларидан иқтибос келтиради "Спорт-экспресс".
