“Атлетико” ва “Барселона” клублари “Челси” ҳимоячиси Сезар Аспиликуэта сотиб олишга ҳаракат қилиб кўради, деб хабар беради “Eurosport” нашри. 

32 ёшли испанияликнинг Лондон клуби билан шартномаси 2022 йилнинг ёзида якунига етади. Манбага кўра, Аспиликуэта унга бўлган қизиқишдан хабардор, аммо барибир “Челси”да қолишдан умидвор, аммо клуб раҳбариятининг аниқ ниятини билмайди.

Қайд этилишича, “Тоттенхэм” ҳам Сезарни трансфер қилиш бўйича таклиф билан чиқиши мумкин.

Маълумот ўрнида, ҳимоячи Англия чемпионати доирасида жорий мавсум 9 ўйинда майдонга тушиб, 2 та голли узатма муаллифига айланган.