Кеча УЕФА Чемпионлар лигаси гуруҳ босқичи сўнгги тур учрашувлари бўлиб ўтди. “Е” гуруҳида “Барселона” “Бавария”га, Киевнинг “Динамо”си эса “Бенфика”га мағлуб бўлди, бу эса Каталония клубига Чемпионлар лигаси плей-офф босқичига чиқишга тўсқинлик қилди. 

Энди Хави шогирдлари Европа лигасида иштирок этади. Шу сабаб Европада клублар даражасидаги иккинчи мусобақа ташкилотчилари твиттеридаги расмий саҳифаси орқали, “Барса”га салом йўллади.   

“Салом, “Барселона”, - дейилади хабарда.

Маълумот ўрнида, гуруҳда 6 учрашувда 6 та ғалаба қозонган “Бавария” 1-ўрин билан плей-оффга чиққан ўлса, “Бенфика” 8 очко билан иккинчи бўлди. Каталонияликлар ҳисобидаги очколар сони эса 7 талигича қолди ва клуб Европа лигасига йўл олди.