“Daily Express” нашри хабарига кўра, “Реал” ҳужумчиси Эден Азар яқин вақт ичида “қаймоқранглилар” клубини тарк этиши мумкин. 

Манбанинг хабар беришича, бельгиялик ҳужумчи аввалроқ ўйнаган Лондоннинг “Челси” клуби манфаатлари доирасига тушиб қолган. Эслатиб ўтамиз, “France Football” “аристократлар”ни 2021 йилнинг энг яхши клуби деб тан олди.

Маълумот ўрнида, “қаймоқранглилар” Азарни бор-йўғи 20 миллион евро эвазига қўйиб юборишга тайёр, бу эса “Челси” раҳбарлари учун қулай нарх ҳисобланади. Қайд этиш жоизки, бельгиялик футболчи “Вест Хэм” ва “Ньюкасл” клублари қизиқишлари доирасига тушган.