“Лидс” яримҳимоячиси Калвин Филлипсга “Манчестер Юнайтед” ва “Ливерпуль” клублари қизиқиш билдирмоқда, дея хабар беради “The Sun” нашри.
Манбага кўра, 26 ёшли англиялик футболчи фаолиятини давом эттириш учун мерсисайдликлар клубини танлаши мумкин, чунки у “Лидс” мухлисларини хафа қилишни истамайди. Сабаби, “Манчестер Юнайтед” “оқлар”нинг муросасиз рақиби ҳисобланади.
Маълумот ўрнида, футболчи АПЛнинг жорий мавсумида 12 учрашувда майдонга тушиб, 1 голли узатма муаллифига айланган. Трансфермаркт портали Калвиннинг нархини 40 миллион еврога баҳолаган.
