“Lids” yarimhimoyachisi Kalvin Fillipsga “Manchester Yunayted” va “Liverpul” klublari qiziqish bildirmoqda, deya xabar beradi “The Sun” nashri. 

Manbaga ko‘ra, 26 yoshli angliyalik futbolchi faoliyatini davom ettirish uchun mersisaydliklar klubini tanlashi mumkin, chunki u “Lids” muxlislarini xafa qilishni istamaydi. Sababi, “Manchester Yunayted” “oqlar”ning murosasiz raqibi hisoblanadi.

Ma’lumot o‘rnida, futbolchi APLning joriy mavsumida 12 uchrashuvda maydonga tushib, 1 golli uzatma muallifiga aylangan. Transfermarkt portali Kalvinning narxini 40 million yevroga baholagan.