"Барселона" ҳимоячиси Клеман Лангле ЕЧЛ гуруҳ босқичи 6-тури доирасидаги "Бавария"га (0:3) қарши ўйиндан сўнг мухлисларга мурожаат қилди.

"Мен "Барселона" мухлисларига Левандовски билан табассум қилаётган суратимни тушунтириш учун мурожаат қилмоқчиман. Бу реакция менинг натижа ҳақидаги ҳис-туйғуларимни акс эттирмайди. Мени таниган ҳар бир киши клубга бўлган садоқатим ва муҳаббатимни билади. Сизни жуда ҳафа қилган нарсага мен ҳеч қачон бундай муносабат билдирмайман. Ҳозир биз жуда хафамиз, лекин энди биз "Барселона" бўлиши керак бўлган жойга қайтариш учун ҳаракат қилишимиз керак", – деб ёзди ҳимоячи Instagram саҳифасида.