"Верона" ярим ҳимоячиси Антонин Баракга "Ньюкасл" ва "Вест Хэм" қизиқиш билдирмоқда, дея хабар берди "Goal" портали.
Манбанинг хабарига кўра, ҳар иккала инглиз клуби ҳам 27 ёшли чехияликни қишки трансфер ойнасида қўлга киритишга тайёр. Қайд этилишича, италияликлар агар 20 миллион евролик таклиф тушса, футболчини қўйиб юборишга рози.
2021/22 йилги мавсумда Барак "Верона" таркибида 16 та ўйинда майдонга тушиб, 5 та гол ва 3 та голли узатмани амалга оширган. "Transfermarkt" портали футболчининг нархини 14 миллион еврога баҳолаган.













