«Атлетико»да ижара асосида ўйнаётган «Барселона» ҳужумчиси Антуан Гризманн Каталония клубининг Чемпионлар лигасини тарк этиши ҳақида фикр билдирди.

«Бу кутилмаган ҳолат эмас, чунки «Барселона» ҳар доим Чемпионлар лигасида иштирок этган ва кўп йиллар мобайнида кетма-кет плей-оффга чиқиб келган.

Ҳозир кўп нарса ўзгарган. Лео Месси кетди, у «Барса» учун жуда муҳим шаҳс эди. Кейин мураббий ўзгарди. Сиз сабрли бўлишингиз ва клубда ишлайдиганларга ишонишингиз керак», - дейди Гризманн.

Эслатиб ўтамиз, мавсум якунида «Атлетико» «Барса»дан франциялик футболчини сотиб олиш ҳуқуқига эга бўлади. Бунинг учун Мадрид клуби 40 миллион евро тўлаши керак.

Жорий мавсум 30 ёшли футболчи «Атлетико» сафида барча турнирлар доирасида 20 та ўйин ўтказиб, 7 та гол урди ва 2 та голли узатмани амалга оширди.