«Atletiko»da ijara asosida o‘ynayotgan «Barselona» hujumchisi Antuan Grizmann Kataloniya klubining Chempionlar ligasini tark etishi haqida fikr bildirdi.
«Bu kutilmagan holat emas, chunki «Barselona» har doim Chempionlar ligasida ishtirok etgan va ko‘p yillar mobaynida ketma-ket pley-offga chiqib kelgan.
Hozir ko‘p narsa o‘zgargan. Leo Messi ketdi, u «Barsa» uchun juda muhim shahs edi. Keyin murabbiy o‘zgardi. Siz sabrli bo‘lishingiz va klubda ishlaydiganlarga ishonishingiz kerak», - deydi Grizmann.
Eslatib o‘tamiz, mavsum yakunida «Atletiko» «Barsa»dan fransiyalik futbolchini sotib olish huquqiga ega bo‘ladi. Buning uchun Madrid klubi 40 million yevro to‘lashi kerak.
Joriy mavsum 30 yoshli futbolchi «Atletiko» safida barcha turnirlar doirasida 20 ta o‘yin o‘tkazib, 7 ta gol urdi va 2 ta golli uzatmani amalga oshirdi.
