«Манчестер Юнайтед»нинг собиқ ярим ҳимоячиси Парк Жи Сунг ҳужумчи Сон Хин Минни «қизил иблислар» сафига кўришни хоҳлашини айтди. Хабарингиз бор, ҳозир Сон Лондоннинг «Тоттенхэм» клуби футболчиси.

«У Премьер-лигада ўзини яхши кўрсатмоқда, аллақачон катта тажриба тўплаган ва янги босқичга тайёр. Сон «Манчестер Юнайтед»да муваффақиятли ўйнашга қодир. Бу клубга катта фойда келтирарди. Тўғри, у Роналду туфайли ўзининг севимли «етти» рақамини ололмайди, лекин ҳаммаси жойида.

Сондан ташқари, «Вулверхэмтон» футболчиси Хван Хи Чан ва «Мальорка» аъзоси Ли Канг Инни алоҳида таъкидлаган бўлардим. Булар бизнинг энг яхши ўйинчиларимиз», деди Парк.