«Manchester Yunayted»ning sobiq yarim himoyachisi Park Ji Sung hujumchi Son Xin Minni «qizil iblislar» safiga ko‘rishni xohlashini aytdi. Xabaringiz bor, hozir Son Londonning «Tottenxem» klubi futbolchisi.
«U Premyer-ligada o‘zini yaxshi ko‘rsatmoqda, allaqachon katta tajriba to‘plagan va yangi bosqichga tayyor. Son «Manchester Yunayted»da muvaffaqiyatli o‘ynashga qodir. Bu klubga katta foyda keltirardi. To‘g‘ri, u Ronaldu tufayli o‘zining sevimli «etti» raqamini ololmaydi, lekin hammasi joyida.
Sondan tashqari, «Vulverxemton» futbolchisi Xvan Xi Chan va «Malyorka» a’zosi Li Kang Inni alohida ta’kidlagan bo‘lardim. Bular bizning eng yaxshi o‘yinchilarimiz», dedi Park.
