Эронлик ҳужумчи Сердар Азмун Санкт-Петербургнинг «Зенит» клубини тарк этишга яқин турибди. Журналист Фабрицио Романо ўзининг твиттер саҳифасида маълум қилганидек, ҳужумчи фаолиятини «Лион»да давом эттиради.
Футболчи аллақачон француз клуби билан музокаралар олиб борган ва ҳамкорлик тафсилотларини келишиб олган. Тез орада томонлар 2026 йилгача амал қиладиган узоқ муддатли шартнома имзолаши керак.
«Лион» РПЛ чемпиони билан товон пули борасида келишиб олиши керак. Агар томонлар рози бўлса, келишув январь ойида якунланади. Агар келишмовчилик бўлса, французлар ёзгача, Сердар эркин агентга айлангунча кутишади.
