"Кэрроу Роуд" стадионида АПЛ 16-туридан ўрин олган "Норвич" – "Манчестер Юнайтед" учрашуви бўлиб ўтди. Ўйинда меҳмонлар 1:0 ҳисобида ғалаба қозонди. Ягона голни Криштиану Роналду пенальтидан киритди.
Баҳснинг иккинчи бўлимида "МЮ"нинг швециялик ҳимоячиси Виктор Линделёф нафас олишдаги муаммолар туфайли алмаштирилди.
Жамоа дарвозабони Давид Де Хеа ўйиндан сўнг бу ҳолат Евро-2020да Кристиан Эриксен билан содир бўлган воқеани эслатганини айтди.
"Биз аллақачон бундай вазиятларни Эриксен ва Агуэро билан кўрганмиз. Албатта, футболчининг майдонда аҳволи ёмонлашишини кўриш қўрқинчили ҳолат. Умид қиламанки, Линделёф билан барчаси яхши бўлади. Бундай вазиятларда асосийси саломатлик ва хавфсизликдир", - деди кипер "Sky Sports" телеканалига.
