Франциянинг "Лион" жамоаси "Зенит"нинг эронлик ҳужумчиси Сердар Азмун билан шахсий шартнома шартларини келишиб олди.
"L'Equipe" газетасининг маълум қилишича, француз клуби бош мураббийи Петер Бос учун Азмун қишдаги асосий трансфер нишони бўлиб турибди. Клуб "Зенит" трансферни фаоллаштириш учун 3 миллион евро таклиф қилади, дея қўшимча қилинган.
Сердар ва "Лион" ўртасидаги шартнома тўрт ярим йилга имзоланади. Унинг Санкт-Петербург клуби билан амалдаги шартномаси 2022 йилнинг июнида якунига етади.
Форвард жорий мавсум 21 учрашувда майдонга тушиб, 10 гол урди ва 4 голли узатмани амалга оширди.













