"Барселона" ярим ҳимоячиси Абде Эззалзули Испания чемпионати 17-тури доирасидаги "Осасуна"га қарши ўйиндаги (2:2) дуранг ҳақида фикр билдирди.
“Клуб учун биринчи голни урганимдан хурсандман, аммо натижадан хафа қилди. Умид қиламанки, бу – шунчаки бошланиши. Мен бу голимни шифокорларга, физиотерапевтларга, футболчиларга, ҳар куни бизни қўллаб-қувватлаётган мухлисларга ва оиламга бағишладим.
Дурангга лойиқ эмасмиз деб ўйлайман. Биз ишлашда давом этишимиз керак. Биз қўлимиздан келганини қилишимиз ва бундай иложи борича барча имкониятлардан максимал фойдаланишимиз лозим”, - деди Абде "Barca TV"га берган интервьюсида.
