«Барселона» ҳимоячиси Жерар Пике Ла Лиганинг 17-турида «Осасуна»га қарши ўйин (2:2) ҳақида фикр билдирди.
«Бизга ғалаба жуда муҳим эди, чунки вазият ўта оғир эканини тушунамиз. Яхши ўйин ўтказдик деб айта оламан, бироқ бор-йўғи бир очкони қўлга киритдик.
Энди биз қисқа муддатли мақсадлар, кейинги ўйинлар ҳақида ўйлаяпмиз. Агар узоқ истиқбол ҳақида гапирадиган бўлсак, ёшларимизнинг салоҳиятига ишонаман.
Энди фақат ғалаба қозониш керак. Аста-секин биз кўпроқ ютуқларга эриша бошлаймиз. Албатта, яхшироқ ўйнай оламиз, аммо ишга муносабат нуқтаи назаридан кўрсатадиган ҳеч нарсамиз йўқ. Ўйин ва натижалар яхшиланмаса, мухлисларни хурсанд қилишнинг бошқа йўли йўқ», — дейди Пике.
