Куни кеча «Манчестер Юнайтед» ҳужумчисининг Антони Марсьялнинг агенти футболчи қишда жамоани тарк этиш истаги ҳақида гапирди. Унинг айтишича, француз ўзининг жамоадаги ҳолатидан жуда норози.
«Барселона» ёки «Ювентус»га ўтиши мумкинлиги ҳақидаги миш-мишлар дарҳол пайдо бўла бошлади, бироқ футболчи учун курашга Лига 1 вакиллари ҳам қўшилди. RMC Sport нашри хабарига кўра, унинг хизматларига ПСЖ ва «Лион» қизиқиш билдирмоқда.
Қайд этилишича, Марсьялнинг ўзи ватанига қайтишга қарши эмас ва «Юнайтед» потенциал харидорларнинг таклифларини тинглашга тайёр. Битим 35 миллион еврога баҳоланмоқда. Айтганча, ўз вақтида манкунианликлар Антони учун икки баробар кўп пул тўлаган.
