Ҳужумчи Пауло Дибаланинг "Венеция"га қарши ўйинда олган жароҳати унинг бу йил майдонга тушишига имкон бермайди, дея хабар бермоқда "Football Italia".
“Ювентус” шифокорлари пухта текширувлардан сўнг ҳужумчи 2022 йилнинг январигача тузалмайди деган хулосага келишди.
Маълумот учун, 2021 йилда "Ювентус"нинг А Серияда "Болонья" ва "Кальяри"га қарши ўйнлари қолган. Пауло 2022 йил 12 январь куни "Интер"га қарши ўтказиладиган Италия Суперкубогида иштирок эта оладими ёки йўқми, кейинроқ маълум қилинади.
Форвард жорий мавсумда 17 ўйинда майдонга тушиб, 8 гол ва 4 голли узатмани амалга оширди.
