АПЛ раҳбарияти чемпионат 17-туридан ўрин олган "Брентфорд" - "Манчестер Юнайтед" ўйини бошқа муддатга кўчирилганини маълум қилди.
Бу қарор “Манчестер Юнайтед” жамоасида коронавирус тарқалиши сабабли қабул қилинган. Клуб учрашувни бошқа муддатга кўчиришни сўраган, шундан сўнг Премьер-лига кенгаши тиббий маслаҳатчиларнинг тавсияларидан келиб чиқиб, баҳсни бошқа муддатга кўчиришга қарор қилган.
Аввалроқ, "Манчестер Юнайтед" клубда коронавирус эпидемияси тарқалганини тасдиқлаганди, аммо касалланганларнинг аниқ сони маълум қилинмаган.
Эслатиб ўтамиз, "Брентфорд" - "Манчестер Юнайтед" учрашуви 15 декабрь куни Тошкент вақти билан 00:30 да бошланиши керак эди.
