"Астон Вилла" футболчиси январда жамоани тарк этиши мумкин. Хабарларга кўра, Стивен Жеррард қўл-остида ҳаракат қилаётган ҳужумчи Кейнан Девис ўйин амалиётига эга бўла олмаяпти.
Шу сабаб жамоани тарк этишни истайди. Бу ҳақида 23 ёшли ҳужумчи шундай дейди:
"Бу кетишда мен ўз формамни йўқотиб қўяман. Менга берилаётган дақиқалар жуда кам. Мен учун "Вилла"дами, ёки бошқа жойда, ўйин амалиёти жуда муҳим. Мен майдонга тушишим ва голлар уришим лозим. Шу сабаб Чемпионшипга бўлса ҳам қайтишим керак".
Стивен Жеррард Девисни ҳали майдонга туширмаган. "Астон Вилла" эса бугун "Норвич" билан баҳслашади.
