<>Ўзбекистон футбол федерацияси Ижроия қўмитаси Бюроси 2012 йилги Ўзбекистон Биринчилиги мусобақаларидан, молиявий таъминотнинг етарли эмаслиги ва клубнинг Биринчиликда ортиқ иштирок эта олмаслиги сабаб, «Имкон-Олтиариқ» (Олтиариқ) клубини алмаштириш тўғрисида қарор қабул қилди.
Ўзбекистоннинг ҳаваскор бўлмаган ва яримпрофессионал клублари ўртасидаги 2012 йилги мусобақалар учун Регламенти 4-моддаси, 4.9-бандига асосан «Имкон-Олтиариқ» (Олтиариқ) жамоаси 2012 йилги Ўзбекистон Биринчилиги иштирокчилари сафидан чиқарилди.
Бу йил тарихий сана – Ўзбек футболининг 100 йиллиги нишонланиши ҳисобга олиниб, «Қўқон-1912» клуби 2012 йилги Ўзбекистон Биринчилиги иштирокчилари қаторига киритилди.
