"Аристократлар"нинг даниялик ҳимоячи Андреас Кристенсен яна бир неча мавсум Лондонда қолиши кутилмоқда.
Журналист Фабрицио Романо ўз Twitter саҳифасида маълум қилишича, "Челси" раҳбарияти 25 ёшли Андреас Кристенсен билан шартномани узайтириш устида иш олиб бормоқда.
Хабарларга кўра, Лондон клуби даниялик футболчига 4+1 йиллик келишув таклиф қилади. Кристенсеннинг ўзи жамоадаги фаолиятини давом эттириш тарафдори, дея қўшимча қилган манба.
Эслатиб ўтамиз, футболчи 2017 йилдан буён "Челси" шарафини ҳимоя қилиб келмоқда. У жорий мавсум АПЛда 11 ўйинда майдонга тушди.