Кеча Диего Марадона шарафига бағишланган "Барселона" ва "Бока Хуниорс" жамоалари ўртасидаги ўйин бўлиб ўтди (1:1). Унда аргентиналиклар пенальтилар сериясида ғалаба қозонди – 4:2.
Маълумотларга кўра, ушбу ўйиндаги иштироки учун Каталония клуби 3 миллион евро миқдорда бонус пули ишлаб олди. Лапорта учрашув ташкилотчилари билан келишувда клубнинг айнан шунча маблағ олиши ҳақида келишувга эришган.
Аввалроқ, "кўк-анорранглила" жамоанинг собиқ бош мураббийлари Эрнесто Вальверде ва Роналд Куман билан қарзларни ёпиш бўйича тўлиқ келишувга эришилгани ҳақида маълумотлар чиққан эди.
