Собиқ футболчи Даррен Бент "Тоттенхэм" вакили ҳақида гапирди. У ўз интервьюси давомида шундай дейди:
"Менимча, у тезроқ бу жамоани тарк этиши керак. У ўзига имконият бериладиган жойга бориши лозим. Алли учун бу вазиятда энг яхши вариант - бу "Ньюкасл". Уларга ҳозир сифатли футболчилар керак.
У бир пайтлар АПЛни энг яхши ёш футболчиси номига лойиқ кўрилган эди. Ҳозир эса ўз йўлини бироз йўқотиб қўйгандек, гўё. Ўйлашимча, у "Ньюкасл"га ўтса ва яна футбол ҳақида ўйлай бошласа, қайтади. Унинг кетиши ўзига ҳам, "Тоттенхэм"га ҳам, "Ньюкасл"га ҳам яхши бўлади".
