Бугун тунда Германия Бундеслигасининг 26-туридан ўрин олган битта учрашув бўлиб ўтди.

"Ҳоффенҳайм" майдонига сафар уюштирган "Штуттгарт" жамоаси навбатдаги уч очкони қўлга киритди ва турнир жадвалида бироз юқорига кўтарила олди.

Ўйиннинг қаҳрамони эса, "Штуттгарт" ҳужумчиси Ведад Ибишевич бўлди. Айнан унинг дубли эвазига "Штутгарт" 1:2 ҳисобидаги ғалабани тантана қилди.

Аҳамиятлиси, босниялик ҳужумчи мавсум бошида штутгартликлар сафига айнан "Ҳоффенҳайм"дан келиб қўшилган эди. Ўйин давомида собиқ жамоаси дарвозасини икки бора нишонга олган ҳужумчи, собиқ мухлислари томонидан қаттиқ тазийққа учраганини ҳам эътироф этиш жоиз. "Ҳоффенҳайм"нинг ягона жавоб голини бошқа бир босниялик футболчи, Зиёд Салиҳович киритди.

ҲОФФЕНҲАЙМ - ШТУТТГАРТ - 1:2 (0:2)
Голлар: Ибишевич, 8 (0:1). Ибишевич, 43 (0:2). Салиҳович, 74- пенальти (1:2).