"Шаҳарликлар" вингери тез орада "кўк-анорранглилар" сафига бориб қўшилиши мумкин.
21 ёшли испаниялик Ферран Торрес каталонияликлар учун устувор мақсад бўлиб қолмоқда.
"Mundo Deportivo" нашри журналист Жерар Ромерога таяниб хабар беришича, клублар футболчининг трансфери бўйича ўзаро келишувга эришган. Улар энди трансфер суммасини келишиб олишлари керак эди.
Яқин-яқингача испан ва Англия клублари Торреснинг трансфери бўйича келишувга эришишдан йироқ эди. Бироқ, энди барчаси ўзгариб кетди. Олдинроқ, "Манчестер Сити" Ферран Торрес учун 60 миллион еврога яқин пул олмоқчи экани хабар қилинганди.
Жорий мавсумда Торрес “Сити” сафида АПЛда 4 та ўйин ўтказиб, 2 та гол урди ва битта голли узатмани амалга оширди.
