Киевнинг «Динамо» клуби бош мураббийи Мирча Луческу футболчиларидан бири «Эвертон»га ўтишини маълум қилди.

«У «Эвертон»га ўтди. Бу «Динамо»нинг Ярмоленкодан кейинги биринчи йирик трансфери. У ёш футболчи, бошқаларга ўрнак бўлади.

Натижалардан ташқари, футболчиларга маълум карьерага эга бўлиш имкониятини бериш жуда муҳим», - дейди Луческу Telecom Sport нашрига берган интервьюсида. У футболчининг исмини ошкор этмади.

Аввалроқ ОАВда инглиз клуби 22 ёшли ҳимоячи Виталий Миколенкога қизиқиш билдираётгани ҳақида хабарлар тарқалган эди. Унинг трансфер суммаси 23 миллион еврога баҳоланмоқда.