"Манчестер Юнайтед" ҳужумчиси Уэйн Руни Англия Премьер-лигаси доирасида сафарда ўтказиладиган 5 учрашувнинг барчасидан ғалаба билан қайтса, жамоа чемпионлик учун курашда ғолиб чиқишини таъкидлаб ўтди.
"Биз ўтган мавсумда сафар учрашувларини ёмон ўтказган эдик. Бу йил эса имкон қадар ўша хатоларни такрорламасликка ҳаракат қилмоқдамиз.
Бу интилишимиз янада кўпроқ учрашувларда ғалаба қозониш имкониятини яратмоқда. Умид қиламанки, шу темпда ўйнашда давом этамиз ва Англия чемпионатида ғалаба қозонамиз", - деди Руни "МЮ" расмий сайтига берган интервьюсида.
