"Реал" ҳужумчиси Карим Бенземанинг Испания Ла лигасининг 18-туридан ўрин олган "Кадис"га қарши ўйиндаги иштироки сўроқ остида қолмоқда. Бу ҳақда "Марка" нашри хабар тарқатди.
Франциялик футболчи пайшанба куни индивидуал машғулот ўтказмади (жамоа коронавирус туфайли умумий гуруҳ машғулотини бекор қилди).
Эслатиб ўтамиз, "Реал"нинг 6 нафар ўйинчисида Covid-19 аниқланди. Улар "Кадис"га қарши ўйинни ўтказиб юборишади.