Дортмунднинг "Боруссия" клуби "Челси" вингери Хаким Зиешни кейинги трансфер ойнасида сотиб олмоқчи. Бу ҳақда "Sport Bild" нашрига таяниб "The Sun" хабар бермоқда.
Хабар қилинишича, 28 ёшли Зиеш "Челси"да ўзига берилаётган ўйин вақтидан норози, шунинг учун у клубини ўзгартиришга тайёр. Дортмунднинг "Боруссия" клуби ярим ҳимоячини январь ойида ўз сафига қўшиб олмоқчи.
Қайд этиш жоиз, Зиеш жорий мавсумда Премьер-лига, Чемпионлар Лигаси, Англия Лига кубоги ва УЕФА Суперкубогида жами 16 та ўйинда майдонга тушиб, 3 та гол урди ва 4 та голли узатмани амалга оширди.