“Арсенал” ҳужумчи Пьер-Эмерик Обамеянгни сотишни режалаштирмоқда. Футболчининг “канонирлар” билан шартномаси 2023 йилнинг июнига қадар амал қилади. “Арсенал” аллақачон габонлик ҳужумчининг ўрнини босадиган иккита футболчини аниқлаб олди. 

Британия матбуоти хабарига кўра, лондонликлар биринчи навбатда “Эвертон” ҳужумчиси Доминик Калверт-Льюинни қўлга киритишга ҳаракат қилади. Шунингдек, “Арсенал” “Лилль” ҳужумчиси Жонатан Дэвидни ҳам қўлга киритишга ҳаракат қилиб кўради.

Эслатиб ўтамиз, яқинда “Арсенал” Обамеянгни сардорлик боғичидан маҳрум қилган эди.