«Тоттенхэм» «Атлетико» яримҳимоячиси Тома Лемарнинг трансфери борасида ишламоқда.
Тhe Independent нашрининг хабарига кўра, Лондон клуби 25 ёшли футболчини январда 6 млн евро эвазига ижарага олишмоқчи. Ижара муддати якунлангач эса «шпорлар» франциялик футболчини 60 млн еврога сотиб олишни мақсад қилишган.
Лемарнинг ўзи ҳам «Атлетико»дан кетишни хоҳламоқда. Бунгача Мадрид клуби бош мураббийи Диего Симеоне эса футболчининг ишончни оқлай олмаётгани ҳақида айтганди.
Лемар бу мавсумда Ла Лигада 10 та ўйин ўтказиб, 3 гол ва 2 голли узатма муаллифига айланган.
