"Манчестер Юнайтед"нинг асосий жамоасида мураббийлик қилган Киран МакКенна қуйи лига клуби "Ипсвич Таун" бош мураббийи бўлди. Хабарларга кўра, инглиз мутахассиси клуб билан 3,5 йиллик доимий шартнома имзолаган ва аввалги мураббий Пол Кукни алмаштирган.
МакКенна дастлаб "МЮ"нинг 18 ёшгача бўлган ёшлар жамоасига мураббий бўлган эди. Кейин эса Жозе Моуриньо даврида асосий жамоани шуғулллантира бошлаган. 35 ёшли мутахассис ўз ишини кейинги турдан бошлайди.