Сўнгги пайтда дурранглардан боши чиқмай қолган ва кўплаб танқидларга учраётган "Ювентус" ниҳоят ғалаба қозонди. Ғалаба қозонганда ҳам, барча танқидчиларга муносиб жавоб бера олди.
Флоренцияга сафар уюштирган "Ювентус" бундан бироз аввалроқ "Милан"нинг "Парма" уйидан ғалаба билан қайтганидан хабардор бўлишга улгурганди.
Шунинг учун ҳам майдонга бошқача иштиёқ билан тушган "Кекса Синьора"илк дақиқаларданоқ олдинга ташланди.
Ўйиннинг 20-дақиқасидаёқ Черчи ҳакам томонидан майдондан четлатилди ва "Фиорентина"ни қийин аҳволга солиб кетди. Унгача Мирко Вучинич ҳисобни очишга улгурган эди. Бундай зарбадан ўзига кела олмаган мезбонлар ўйин охиригача ўзларига кела олишмади. Рақибининг пала-партишлигидан фойдалана олган Антонио Конте шогирдлари флоренцияиклар дарвозасини беш маротаба нишонга олишди. Умумий ҳисоб эса "Фиорентина" учун шармандали кўриниш олди.
ФИОРЕНТИНА - ЮВЕНТУС 0:5 (0:2)
Голлар: Вучинич (15), Видаль (27), Маркизио (54), Пирло (67), Падоин (72)
ФИОРЕНТИНА: Боруц, Кассани, Настасич, Натали, Паскуаль, Оливера (Де Сильвестри, 46), Монтоливо, Лаццари, Варгас, Черчи, Амаури
ЮВЕНТУС: Буффон, Лихтштайнер, Бонуччи, Касерес, Де Челье, Пирло, Видаль (Падоин, 70), Маркизио, Пепе, Вучинич (Боррьелло, 70), Матри (Квальярелла, 59)
Огоҳлантиришлар: Оливера - Лихтштайнер
Четлатиш: Черчи, 20
Юқорида тилга олинганидек, "Милан" "Парма"ни сафарда мағлубиятга учратиб қайтди. Златан Иброҳимовичнинг 32-дақиқада пенальтидан киритган голидан сўнг миланликлар олдинга чиқиб олган бўлса, Урби Эммануэльсон ўз голи билан жамоаси ғалабасига муносиб ҳисса қўшди.
ПАРМА - МИЛАН 0:2 (0:1)
Голлар: Иброҳимович, 17 (пенальти), Эмануэльсон, 55
ПАРМА: Миранте, Дзаккардо, Палетта, Лукарелли, Жонатан, Марига (Мусаччи, 26), Морроне (Окака, 72), Вальдес, Бьябьяни (Валиани, 64), Флоккари, Джовинко
МИЛАН: Аббьяти, Дзамбротта, Бонера, Тиаго Силва, Антонини, Ночерино, Амброзини, Мунтари (Гаттузо, 90+1), Эмануэльсон (Аквилани, 87), Иброҳимович, аш-Шаарави (Макси Лопес, 77)
