"Бавария" ярим ҳимоячиси Томас Мюллер Германия Бундеслигасининг 17 тур учрашувини "Волфсбург"га қарши учрашувда майдонга тушди. Футболчи учун бу учрашув чемпионатдаги 400-учрашуви бўлди. 

32 ёшли Мюллер Германия чемпионатининг 400 та учрашувида 134 та гол урган ва 182 та голли узатмани амалга оширган. Фақат Лионель Месси (Барселона, 442), Серхио Бускетс (Барселона, 431) ва Стив Манданда (Марсел, 429) германиялик ярим ҳимоячидан кўра топ-5 лиганинг битта клубида кўпроқ ўйин ўтказган.

Мюллер жорий мавсумда барча турнирларда 26 та ўйинда майдонга тушиб, 8 та гол урди ва 17 та голли узатмани амалга оширди. Футболчининг "Бавария" билан шартномаси 2023 йилда тугайди. Трансфермаркт ярим ҳимоячини 30 миллион еврога баҳоламоқда.

"Бавария" Бундеслиганинг 16 туридан кейин 40 очко билан пешқадамлик қилмоқда.