"Bavariya" yarim himoyachisi Tomas Myuller Germaniya Bundesligasining 17 tur uchrashuvini "Volfsburg"ga qarshi uchrashuvda maydonga tushdi. Futbolchi uchun bu uchrashuv chempionatdagi 400-uchrashuvi bo‘ldi.
32 yoshli Myuller Germaniya chempionatining 400 ta uchrashuvida 134 ta gol urgan va 182 ta golli uzatmani amalga oshirgan. Faqat Lionel Messi (Barselona, 442), Serxio Buskets (Barselona, 431) va Stiv Mandanda (Marsel, 429) germaniyalik yarim himoyachidan ko‘ra top-5 liganing bitta klubida ko‘proq o‘yin o‘tkazgan.
Myuller joriy mavsumda barcha turnirlarda 26 ta o‘yinda maydonga tushib, 8 ta gol urdi va 17 ta golli uzatmani amalga oshirdi. Futbolchining "Bavariya" bilan shartnomasi 2023 yilda tugaydi. Transfermarkt yarim himoyachini 30 million yevroga baholamoqda.
"Bavariya" Bundesliganing 16 turidan keyin 40 ochko bilan peshqadamlik qilmoqda.
