"Манчестер Юнайтед" ҳужумчиси Уэйн Руни Англия Премьер-лигаси 29-тур доирасидаги "Вулверҳэмптон"га қарши бўлиб ўтадиган ўйин ҳақидаги фикрлари билан ўртоқлашди.
"Вулвс"га қарши ўйин биз учун жуда ҳам муҳим ҳисобланади. "Манчестер Сити"нинг чоршанбага қадар ўйнамаслигини ҳисобга олсак, бизда улардан тўрт очкога олдинга чиқиб олиш имконияти пайдо бўлади. Шунинг учун, нима бўлган тақдирда ҳам бу ўйинда ғалаба қозонишимиз шарт".
"Вулверҳэмптон" — оддий рақиб эмас. Бир неча мавсумдан буён улар бизга етарлича муаммо туғдириб келишяпти. Уларга қарши ўйинларда бор кучимизни ишга солишимизга тўғри келяти. Улар лигада жон сақлаб қолиш учун кураш олиб боришяпти. Бундай жамоа билан меҳмонда ўйнаш жуда қийин бўлади ва катта куч талаб қилади"— дея Руни сўзларидан "Манчестер Юнайтед" расмий сайти иқтибос келтирмоқда.
