Каталониянинг “Барселона” клуби жамоанинг биринчи рақамли дарвозабони Марк-Андре тер Штеген сотмайди. Аввалроқ ОАВда германиялик дарвозабоннинг “Бавария”га кетиши мумкинлиги ҳақида миш-мишлар тарқалган эди.
“Sport.es” нашри хабарига кўра, жамоа бош мураббийи Хави Эрнандес клубдаги молиявий муаммоларга қарамай, дарвозабонни сақлаб қолишга қарор қилган. Мутахассис ўз қарори ҳақида дарвозабонни аллақачон хабардор қилган.
29 ёшли Тер Штеген 2014 йилнинг ёзидан бери “кўк-анорранглилар” шарафини ҳимоя қилиб келмоқда. Марк-Андре ва “Барса” ўртасидаги шартнома 2024/2025 йилги мавсум охиригача тузилган.
Жорий мавсумда немис 20 та учрашувда қатнашди.
