Испания Ла-лигасининг 28-туридан ўрин олган битта учрашув бундан бир неча дақиқа олдин ўз ниҳоясига етди.
Барчани ажаблантириб еврокубоклар йўлланмаси учун кураш олиб бораётган "Леванте", мавсум омадсизи, кутилмаганда лигадан тушиб кетиш хавфи остида қолган "Виллареал"ни қабул қилди ва ўйиннинг сўнгги сонияларида ғалабани илиб кетди.
Ўйин тенг курашлар остида кечганига қарамай, майдон эгалари кўпгина вазиятларда рақибидан анча фаол ҳаракат қила олишди. Ҳакам қўшиб берган дақиқаларда Рубен Суарес "Леванте"га навбатдаги уч очкони олиб келган гол муаллифига айланди.
Ушбу ғалабадан сўнг, "Қурбақалар" яна турнир жадвалининг 4-поғонасидан жой олишди. Агар "Малага" бугун "Сантьяго Бернабео"дан қуруқ қайтадиган бўлса, "Леванте" тўртинчи ўринни кейинги тургача ўзиники қилиб олади.
ЛЕВАНТЕ - ВИЛЬЯРРЕАЛ 1:0 (0:0)
Гол: Суарес, 90 (1:0).
