“Зенит” клуби ҳужумчиси Сердар Азмуннинг манфаатларини ҳимоя қилувчи футбол агенти Андреа Пеллегатти ўз мижозининг Франциянинг “Лион” клубига ўтиши мумкинлиги ҳақида гапирди.
“Лион” Азмуннинг трансфери борасида музокаралар олиб бормоқдами? Ҳозирча бу маълумотга изоҳ бера олмайман”, - дея агентнинг сўзларини келтиради Спорт24.
Аввалроқ ОАВда Азмун “Лион” раҳбарияти билан музокаралар муваффақиятли ўтгани ҳақида хабарлар тарқалганди. Тахминларга кўра, томонлар 2026 йилгача амал қиладиган шартнома бўйича келишиб олишган.
26 ёшли ҳужумчи Петербург жамоасида 2019 йилдан буён ўйнаб келмоқда. Унинг клуб билан шартномаси жорий мавсум охирида якунига етади.
