“Zenit” klubi hujumchisi Serdar Azmunning manfaatlarini himoya qiluvchi futbol agenti Andrea Pellegatti o‘z mijozining Fransiyaning “Lion” klubiga o‘tishi mumkinligi haqida gapirdi.
“Lion” Azmunning transferi borasida muzokaralar olib bormoqdami? Hozircha bu ma’lumotga izoh bera olmayman”, - deya agentning so‘zlarini keltiradi Sport24.
Avvalroq OAVda Azmun “Lion” rahbariyati bilan muzokaralar muvaffaqiyatli o‘tgani haqida xabarlar tarqalgandi. Taxminlarga ko‘ra, tomonlar 2026 yilgacha amal qiladigan shartnoma bo‘yicha kelishib olishgan.
26 yoshli hujumchi Peterburg jamoasida 2019 yildan buyon o‘ynab kelmoqda. Uning klub bilan shartnomasi joriy mavsum oxirida yakuniga yetadi.
