“Transfermarkt” порталининг Instagram’даги саҳифасида 2003 йилда туғилганлар орасидан энг қиммат футболчилар рўйхати эълон қилинди. Биринчи тўртта поғонани Германия Бундеслигаси вакиллари – “Боруссия”дан Жуд Беллингем (портал экспертлари томонидан 70 миллион еврога баҳолаган), “Байер”дан Флориан Вирц (65 миллион евро), “Бавария”дан Жамал Мусиала (50 миллион евро) ва “Лейпциг”дан Илайш Мориба жой олган (25 миллион евро).

“Бундеслига - истеъдодлар фабрикаси” - нашр постни шундай изоҳлаган.

Эслатиб ўтамиз, 18 ёшли Жуд Беллингем 2021/2022 йилги мавсумда 24 та ўйинда 3 та гол урди ва 9 та голли узатмани амалга оширди.