Лондоннинг «Челси» клуби хўжайини, россиялик миллиардер Роман Абрамович Португалия фуқаросига айланди, деб хабар беради Público нашри.

Манбага кўра, тадбиркор Пиреней ярим оролида яшаган яҳудийларнинг авлоди сифатида Португалия фуқаролигини олган.

Абрамовичда Россия ва Португалия фуқаролигидан ташқари, 2018 йилнинг май ойида олинган Исроил паспорти ҳам мавжуд.

Эслатиб ўтамиз, октабр ойида Роман Абрамович 2018 йилдан бери биринчи марта Буюк Британияда бўлган эди. Уч йил олдин у виза билан боғлиқ муаммоларга дуч келган.

Маълумот учун, Абрамович 2003 йилдан бери «Челси»га эгалик қилади. Бу вақт ичида «кўклар» Англиянинг тўрт карра чемпиони бўлишди, икки марта Чемпионлар лигаси ва Европа лигасида ғалаба қозонишди, УЕФА Суперкубогини қўлга киритишди.

Шунингдек, жамоа ҳисобида беш марта Англия кубоги, уч марта Лига кубоги ва Англия Суперкубоклари ҳам мавжуд.