«Боруссия» директорлар кенгаши раиси Ханс-Йоахим Ватцке Дортмунд жамоаси ҳужумчиси Эрлинг Холандга Европа топ-клубларидан қизиқиш борлиги ҳақида гапирди.
«Мен Европанинг барча топ клублари Эрлинг билан шартнома имзоламоқчи эканини яхши биламан. У бунга ҳақли ўйинчи. Хусусан, «Реал Мадрид»дан ҳам таклиф тушгани рост.
Испания чемпионати унга Англиядан кўра кўпроқ мос келади. Аммо, «Боруссия» унинг қолишидан умидвор», - дейди Ватцке.
Маълумот учун, жорий мавсум 21 ёшли футболчи Дортмунднинг «Боруссия» клуби сафида 16 та ўйинда майдонга тушиб, 19 та гол ва 5 та голли узатмага муаллифлик қилди.
Унинг Дортмунд клуби билан амалдаги шартномаси 2024 йилнинг 30 июнига қадар мўлжалланган.
